C3

营业中

休息中

一间朴素小店，员工友善，只有意粉和意大利饭。手写餐牌，字体好靓，一人煮理，讲到明要耐心等候。一次黄昏偶遇，6：15pm刚开店就入座，唔够15分钟，半间小店已坐满人，7点离开已客满。虽是小店，都有三十几个位。口味比较家庭式，性价比高。🍽️每个餐点都有🍄磨菇汤或南瓜汤+🥖焗蒜蓉包，不过蒜蓉包系送完即止🥲两个汤都试过，都系钟意磨菇汤，钟意有口感；南瓜汤就淡啲滑啲。🍝鲜茄蓉虾仁带子意粉 $62虽说是虾仁，但见到实物应该系正常大小，一啲都唔细只。反而带子属BB级，应该改口叫带子仔🤣。意粉煮得刚好，真系食到鲜茄味，蕃茄味好浓郁，有4只虾，几粒带子BB，份量正常，唔够食可以加底。🍝菠菜汁烟三文鱼意粉 $62菠菜汁比较青淡，伴著烟三鱼咸香，总体都系淡口，当然烟三文鱼只有2片，系唔够喉🤣。🍝墨鱼汁鱿鱼圏蟹籽意粉 $62墨鱼汁做得好够味，以前食过较稀和较淡。呢间做得刚好，够咸味，够浓郁，每条面都被汁包裹住。蟹籽夹杂系意粉中好有趣，突然有一啖咸香脆系当中。☕餐饮热柠茶，茶较淡，唔系茶餐厅果啲浓茶。🍹见隔离枱叫冻饮，个杯大到似啤酒杯，好夸张啰，冻饮都系+$2，抵👍。