東方宮蘭州牛肉拉麵 (已結業)

黎铜锣湾食野选择太多，有时反而因为选择困难症而无从入手。今日行经呢间专门做兰州牛肉面既小店，门面见到师傅隔著块玻璃搓面团，觉得几新鲜，于是就入去试下。原味牛肉佢系牛𦟌黎，牛味好香，薄切得黎亦保持到牛肉质感。兰州特色素凉面因为系凉面所以好岩夏天食，汤底带少少浓稠口感，加埋西芹、芫荽、红萝卜等素菜，够晒丰富。面底系即叫即打，所以每一条都好长，而且爽口弹牙，店员仲推介落埋佢地既秘制辣油一齐食，虽然d油望落红卜卜，但原来唔辣，仲好有麻香味！红烧兰州牛肉面因为都系手打关系，面够爽口，挂汤能力唔错，牛肉粒配埋微辣汤底够晒开胃。烤羊肉串非常惹味，食得出落左多款调味料，同一般街边食到落重孜然粉既肉串有明显分别。