影片
更多
2022-11-13
1033 浏览
寿司之神系元朗咁出名😳一定有佢原因，入面座位唔多，但胜在够干净企理。上次食完已经觉得性价比好高，所以家姐生日再嚟食多次，今次比上次嘅调味更加出色，赞！❁ 前菜沙律🥗 沙律菜新鲜简单已经好好味水云醋物 酸酸甜甜易入口黑松露茶碗 入面有啲蟹棒、鸣门卷好吸引❁ 渍物芥辣八爪鱼、牛旁、酱油渍蒜、姜竟然有八爪鱼，咬落去好弹牙，芥辣味都够，好好味。❁ 刺身成碟卖相超吸引，师傅用心摆位，有紫苏花、四季红、菊花、金箔，好似艺术品咁。🔸赤贝: 师傅喺你面前拍打赤贝 新鲜嘅贝类会即刻收缩。🔸北海道仙凤趾生蚝: 加咗金箔、柠汁味道新鲜。🔸深海池鱼: 我最钟意嘅刺身，油充足，轻轻加上胡椒已经好好味。🔸秋刀鱼: 时令鱼，味道清。❁和食三文鱼骹，职员会提你中间有条大骨，拎咗出嚟先食，肉身香软。啲肉有片鱼鳞包住，可以保持鱼肉唔会散出嚟，酱汁比较甜，非常浓味。❁ 寿司🔹松叶蟹 超级打卡❤️大大杯，蟹肉海水味重配上紫苏花，更能带出鲜味。🔹 𫚕鱼 成年油甘鱼，第一次食😀鱼肉嫩滑油份重配上七色芝麻好特别。🔹带子 浸完酱油再用火灸，以海苔包裹带子肉身，令贝类多一份焦香鲜甜✨🔹中拖罗 加上法国鱼子酱金箔，望落更显矝贵🔹 蛇腹拖罗
❁ 前菜
沙律🥗 沙律菜新鲜简单已经好好味
水云醋物 酸酸甜甜易入口
黑松露茶碗 入面有啲蟹棒、鸣门卷好吸引
❁ 渍物
芥辣八爪鱼、牛旁、酱油渍蒜、姜
竟然有八爪鱼，咬落去好弹牙，芥辣味都够，好好味。
❁ 刺身
成碟卖相超吸引，师傅用心摆位，有紫苏花、四季红、菊花、金箔，好似艺术品咁。
🔸赤贝: 师傅喺你面前拍打赤贝 新鲜嘅贝类会即刻收缩。
🔸北海道仙凤趾生蚝: 加咗金箔、柠汁味道新鲜。
🔸深海池鱼: 我最钟意嘅刺身，油充足，轻轻加上胡椒已经好好味。
🔸秋刀鱼: 时令鱼，味道清。
❁和食
三文鱼骹，职员会提你中间有条大骨，拎咗出嚟先食，肉身香软。啲肉有片鱼鳞包住，可以保持鱼肉唔会散出嚟，酱汁比较甜，非常浓味。
❁ 寿司
🔹松叶蟹 超级打卡❤️大大杯，蟹肉海水味重配上紫苏花，更能带出鲜味。
🔹 𫚕鱼 成年油甘鱼，第一次食😀鱼肉嫩滑油份重配上七色芝麻好特别。
🔹带子
浸完酱油再用火灸，以海苔包裹带子肉身，令贝类多一份焦香鲜甜✨
🔹中拖罗
加上法国鱼子酱金箔，望落更显矝贵
🔹 蛇腹拖罗
大推✨青葱渍加左芝麻油，可以令到鱼肉更甜而且去减去一份油价感，鱼肉经师傅细心处理，食入口无筋入口即融。
🔹脑天
吞拿鱼天灵盖，成条鱼100几公斤先得几片😎第二次食同样系好吸引，落左柚子胡椒再火炙。
🔹甜虾
将甜虾打成虾胶，下层配左鳕雪脆片，做成强烈对比，汁用虾头虾学熬出来的汁，极鲜味。
🔹右口鱼
经师傅火灸，右口鱼系河床唔郁所以非常肥美😀✨够肥点会唔香口。
❁ 海胆杯
师傅真系好好，超多三文鱼子同海胆，极鲜味。仲比左头先火炙右口鱼剩低嘅汁比我地捞饭🥺好正
❁ 甜品
焙茶奶冻食落少许甜味，底部劲多焙茶粉😗茶味香
张贴
