人和月雞煲火鍋店 (已結業)

天气冻冻地，最好就系围埋一齐打边炉啦😅 今日试左“人和月”当然系任饮任食，食到饱𠮶只啦😋 头盘可以拣鸡煲或者酸菜鱼，烤鱼，蚬煲同鸡煲。 鸡煲都有好多选择：麻辣鸡煲，韩式芝士鸡，仲有酥皮麻辣芝士鸡添。。。 真系花多眼乱，最后拣左酸菜鱼🥰酸菜鱼汤好够味，鱼无骨，好滑，好滋味，无拣错😜 食完鱼就上汤底，我喜欢浓味，所以要胡椒猪肚锅，拣左set B澳洲M4和牛套餐 成盘靓牛，好吸睛呀👍 雪花肥牛、牛舌、牛下肩、牛胸爽、牛板腱、牛小排、封门柳，当然吾少得澳洲M4和牛啦😋😋😋 牛肉色泽鲜明，肉嫩牛味浓，个汤够味，涮两下就食得，酱料都吾使醮，食得好滋味，食得尽兴～ 食晒再落order,出单好快，冇漏单👍 有海虾，醉鸡，虾滑，墨鱼滑。。。多不胜数🤩 醉鸡好腌得入味，肉质又嫩滑😋😋😋 蔬菜，向铃，烤鱼皮，什丸等等就自己钟意攞几多就攞，不要浪费就👌喇🤪 再吾够饱仲可以食出前一丁，乌冬，薯粉都有👍我就留肚食甜品喇～豆腐花加芋圆，正👍食埋凉粉绿豆椰果添，真系捧住个肚，都吾得闲食雪糕🤪 三百几蚊，食足两个钟，咁多款式，真系好抵😍