金牌小龍 (已結業)

喺尖沙咀食晚饭，揾到呢间喺isquare，而且价钱仲要唔算好贵嘅中菜～酸辣汤—基本上系每次食亲中菜都必点🤣辣度适中，但唔算好酸；里面嘅材料非常丰富，有豆腐、木耳丝、肉丝等等。红烧牛三宝面— 有牛𦟌、牛筋同牛肚，汤式牛味浓郁，味道有少少辣，面质同平时食开嘅唔同，比较粗身，所以食完面几饱肚👍🏼蟹粉小笼包— 汤汁多，而且新鲜蒸起。但若果蟹粉落多少少，味道会出啲，会更加好味～瑶柱菜粒蛋炒饭—非常推介呢道菜！炒饭嚟讲唔算油，粒粒分明；而且瑶柱嘅咸味能带出啖啖嘅香味，食完好有满足感😆😆最后嗌左个鸡炖汤，将鸡嘅味逼哂出嚟，好清甜，啱哂我呢啲唔系成日食住家饭嘅人！