意粉狂熱 (皇室堡) (已結業)

之前见到旺角个间排长龙，一直都未食过，今次就系OpenRice book左星期六夜晚黎食，黎到唔多人，大约7点开始多人要等位，坐底左就可以手机落单，水都系自己斟，但呢间野要加一，有d唔抵。食物方面就几抵食，基本上冇一款意粉系过$100，于是叫左鲑鱼忌廉意粉$78，三文鱼有4-5片，份量都够一个人，忌廉好浓好香，意粉比较幼身，另外叫左个照烧鸡pizza $48，呢个系细size，大size 10吋 $88，细size 都几细，只系切都3块，不过照烧鸡几好食，好日式。整体来讲，性价比高，就算唔散叫，2人套餐都只系$228，下次再帮衬。