籠太子點心專門店

营业中

休息中

笼太子点心专门店 (屯门)屯门新青街11号万宝楼地下2号舖屯门站F2岀口 向新墟街市方向行今日系第一日复网课，我都照常返工，今日都仍然好想食点心，就嚟到笼太子点心🧆茶位 玄米茶 $6/位好香玄米茶🍵中式点心店有日本茶得意呀，但又不期然夹到👍🏻都有清新去腻感觉。笼太子虾饺皇两只$16皮薄馅靓，但因为想食多啲唔同嘅款式，细食嘅我两件就够，但个心又系想encore😂😂😂鲜虾烧卖皇两只$16超大粒，虾肉好新鲜👍🏻👍🏻👍🏻少吃多滋味，留返个肚试唔同嘅食物。多汁蟹子小笼包$25呢个真系好好味😋有四粒好抵，上面嘅蟹子仲系脆卜卜，一啖一粒真系好易入口，肉汁好鲜甜。蒜香虾春卷$25外皮趣卜卜，炸得刚刚好唔会有㶶味，入边啲虾颜色好新鲜，外脆内弹牙。原只鲜虾肠$29一啖食落去，成只鲜虾会充满口腔，食到个口胀卜卜，好满足，肠粉好滑。南瓜煎堆仔$20南瓜🎃蓉更健康，有椰汁味添，皮有劲多芝麻，烟烟unun劲好食，食两只饱饱鲜芒果布甸$20芒果好香，有芒果🥭汁喺上面，芒果肉都好明显，有口感。不得不赞呢度嘅辣椒酱系XO辣椒酱，点起身调味好惹味，仲食到瑶柱丝，真系要试吓。