Yatai Plus

营业中

休息中

屋台即系日本街边档，食物平靓正。系石门就有间「屋台+」，食物一样平靓正。叫得「屋台+」就系主打日式食物，除咗一般丼物，仲有刺身丼、窝物、小食、甜品、特饮等。午市刺身丼都唔洗$100就食到。我今次食呢款赤の丼都系$85，已经有赤海虾、三文鱼、赤身、拖罗蓉，而且份量仲唔少添，又包咗味噌汤。刺身质素都唔会Hea你，$85真心超值。另外加钱叫咗杯饮特饮「赤の果」，系杂莓沙冰。估唔到饮品都有甜品屋质素。最后想讲埋佢哋个小食「冲绳风大虾」真心好食，酸甜有少少辣，大虾开半炸到卜卜脆，加埋红萝卜，洋葱、冬菇粒炒埋一碟，卖$58 一碟真系良心价。