咖吔

营业中

休息中

今日下晝見到餐廳裏面好多人用餐，而下午茶有提供午市套餐嘅主菜，價錢比午餐平大概$10-$20幾 ，我同朋友未食午餐就決定入去醫下肚！我地叫左香辣飯（走辣）因為朋友唔食得辣，仲有馬來炒貴刁（辣另上），串燒拼盤，飲品就有熱手工拉茶、凍桔仔話梅水及美祿哥斯拉。整體質量尚算都好唔錯，份量就真係下午茶的量，唔算多，但味道一流，好惹味！個串燒雞勁好食，雞肉燒得外脆內軟，唔係乾柴好juicy，配埋秘製醬汁特別有地道風味！香辣飯及馬來炒貴刁，材料滿滿，大大件臘腸、魷魚、蝦、豬肉、蛋絲等，味道香濃入味，旁邊有花生粒。值得再試！桔仔話梅水好清新，配以串燒食，岩岩好，唔會油膩，好飲！