亞蘇爾 (形點) (已結業)

平日夜晚同朋友行喺Yoho，大家都谂唔到食咩，求其行过，就打算行入去试试葡国菜。点知，就中咗大伏🤢我哋一行三人叫咗一个二人餐加一个主菜。小食拼盘成个感觉都系不过不失。佢个奶油脆猪已经淋左，一啲脆嘅感觉都冇。然后个马介休薯波，唔讲真系以为系普通嘅薯波，一啲味都无🧐个乳猪已经系全晚最好食，皮脆肉都嫩，但有一两旧都几肥，但已经算系咁🙃呢碟非洲鸡真系全晚最恐怖，一上台我哋已经你眼望我眼，因为只鸡真系又黑又㶶。一开始我哋都以为卖相黎嫁姐，咁就分三份啦。用刀切都有难度，相当费力，我已经心知不妙。一放入口，真系㶶到有苦味，然后个硬度真系媲美黑碳，咔咔声，真系🤢最后我哋忍唔住问侍应，平时碟鸡都系咁嫁？可能因为赶住收铺，侍应只系表示下次如果觉得有问题，可以叫佢哋换。但系我哋心谂，仲点会有下次。成餐饭我哋三个人，平均一人食咗$250 ，但最后竟然系食硬过炭嘅鸡，都真系唔知好嬲定好笑。