Bubbles & Wines

营业中

休息中

一个星期五嘅夜晚即兴黎左赤柱，谂起呢间之前偶尔经过嘅餐厅。入去条路有啲难揾，要喺市集一条巷仔转入黎，我地都兜左一轮先揾到🤣平日夜晚嘅赤柱好静，见其他食客都系住附近嘅街坊，不过呢度环境真系好chill，好似去左欧洲咁！小店老板系西班牙人，铺头顾名思义，饮野为主，野食主要系送酒嘅。Veggie dip with crystal bread+ ham个veggie dip同出面食到 嘅唔同，我觉得有啲蕃茄味，好开胃。夹埋啲ham食层次又唔同左。Smoked salmon+ cream cheese肥美嘅烟三文鱼，同cream cheese真系绝配。份量比想像中大份，waiter仲主动上多碟包，送酒食一流！野饮我地拣左sparkling wine, 小小甜，呢个天气饮啱哂。Pork meatball饮几杯加埋前面啲野食已经半饱，最后食埋个肉丸。同平时意式肉丸有啲唔同，我觉得味道无咁浓同埋口感紥实啲。另外一提：我地今次坐左户外位，黄昏时段真系比较多蚊！好彩waiter好贴心比左枝蚊怕水我地，如果唔系应该咬到成脚都系。