貓館 (已結業)

旺角太多野食，试得地舖多，都有时想试下楼上舖，今次俾楼梯口块牌入面只猫吸引左我上呢间catfe~上去0既楼梯都比较残破，有个伯伯刚刚落楼，撑住拐杖都有d危险0既感觉呢~入到catfe，一位年约廿多岁0既四眼男生好有礼貌咁同我讲「欢迎光临」然后带我入里面「请随便坐」，沿途见到三只猫，都0系一间对住门口0既房入面训紧，KAWAII!!!我坐进舒服0既sofa凳上，男生递上menu「睇下要食d咩~」我点了海鲜意粉+热朱古力，呢度有悠闲0既外地音乐播放，令人感觉好舒服，睇番未睇完0既书，用画有好多只猫猫图案0既杯装住朱古力，好浓郁0既朱古力味，好饮~再过5、6分钟，意粉上台，都几大碟，海鲜有青口、虾、蟹柳、墨鱼，都几丰富，意粉仲几有弹性，几索汁，味道唔错，食野期间，有两只猫出黎行黎行去望黎望去好似巡视咁，钟意猫0既人会enjoy呢个环节，食完个意粉，一边细味杯朱古力，一边睇住书，又冇人催赶，真系难得0既悠闲时光呢~最意外0既系呢度可以用八达通俾钱架，好好~收银哥哥都系好有礼貌0既呢~