影片
更多
2021-04-28
2211 浏览
几个月前去过一次「饶宗颐文化馆」嘅「Pacific Coffee」叹午餐，觉得环境好好，好舒服，打算趁呢日天气好，仍然凉凉哋，唔太热，再去多次，点知原来转咗为另一家咖啡店，加上「饶宗颐」有啲活动搞，可以讲喺人满之患，所以，转场落返去「曼克顿山」间「Pacific Coffee」，呢一间分店都好耐无到访话过喇。由于喺周日关系，就算呢间店都有唔少人帮衬，不过，就几钟意佢个环境，因为地方大，楼底又高，空间强，更特别多梳化櫈，可惜，今次都喺一櫈（梳化櫈）难求。小弟向来都喜欢试新嘢，早前就喺经过见有款「福冈抹茶咖啡系列」，好奇都想试试，睇吓呢款带和风嘅「鸳鸯」喺点。呢个新系列有两款出品：黑糖福冈抹茶咖啡、黑糖福冈抹茶咖啡其乐冰，前者较合我喜好。除咗「福冈抹茶咖啡系列」新嘢外，仲见到有另一款新嘢「无酒精特饮及小食系列」，新出咗几款特饮：茶之魅、椰林飘香梳打及两款小食：烤芝士辣玉米片配三酱、香辣鸡翼配甜酸酱。我见到上面水牌嘅广告仲有其他小食，如西班牙油条、椒盐鱿鱼，店员就话会轮流推出。原本就打算只喺嚟坐吓、饮吓嘢，就因为新推出咗几款小食，咁就不如试试，嚟一个轻怡下午茶过过口瘾。黑糖福冈抹茶咖啡 $4
由于喺周日关系，就算呢间店都有唔少人帮衬，不过，就几钟意佢个环境，因为地方大，楼底又高，空间强，更特别多梳化櫈，可惜，今次都喺一櫈（梳化櫈）难求。
小弟向来都喜欢试新嘢，早前就喺经过见有款「福冈抹茶咖啡系列」，好奇都想试试，睇吓呢款带和风嘅「鸳鸯」喺点。呢个新系列有两款出品：黑糖福冈抹茶咖啡、黑糖福冈抹茶咖啡其乐冰，前者较合我喜好。
除咗「福冈抹茶咖啡系列」新嘢外，仲见到有另一款新嘢「无酒精特饮及小食系列」，新出咗几款特饮：茶之魅、椰林飘香梳打及两款小食：烤芝士辣玉米片配三酱、香辣鸡翼配甜酸酱。我见到上面水牌嘅广告仲有其他小食，如西班牙油条、椒盐鱿鱼，店员就话会轮流推出。
原本就打算只喺嚟坐吓、饮吓嘢，就因为新推出咗几款小食，咁就不如试试，嚟一个轻怡下午茶过过口瘾。
黑糖福冈抹茶咖啡 $43卖相就无广告相咁靓架喇，不过，味道又确喺唔错，尤其是小弟本身就颇钟意黑糖。入口细味一会，既有咖啡嘅醇香感，又有阵阵抹茶嘅幽香，跟饮港式嘅鸳鸯喺有分别。
茶之魅 $42老婆就试咗一款无酒精特饮，因为喺以茉莉花茶冲泡，并加入青柠、薄荷叶及薄荷糖浆，非常大杯，望上去感觉清爽怡人。店员介绍话喺一款鸡尾酒「莫吉托」演变出嚟，以茉莉花茶代替冧酒。入口青柠嘅微酸，却渗出轻柔茶香，加上薄荷，好啱天气渐热嘅时候饮用。
香辣鸡翼配甜酸酱 $48一客有8只鸡翼，算唔少，焗得色水都几靓仔，外观带点金黄。味道点先？唔错㖞，啲鸡翼本身已涂咗层微辣嘅辣酱，放心，唔喺好辣𠮶种，但就会好有惹味感，再沾少少甜酸酱，感觉就更正。食呢个鸡翼，配上面嘅「茶之魅」就更衬。
虽然仍处于疫情之下，但因为缓和咗好多，大家都多咗外出，就好似今日咁，整间餐厅都可以讲坐满晒人，三几个朋友悠闲聚一聚，享受愉快嘅午后时光，舒缓一下经常困晌屋企嘅日子。
张贴
