影片
更多
2013-02-07
69 浏览
早前睇报纸见到上环开左间日式餐厅同Chocolate Rain合作，Chocolate Rain展览就见得多，餐厅都系第一次见，反正喺附近返工，就一于去试下。好彩份工够自由，可以得闲就出去食tea，所以专登拣3点后去食，唔洗同人迫。3点后果然冇咁多人，食都食得轻松啲。入到去一坐低，侍应就比左个tea set menu同Chocolate rain menu我。Chocolate rain个menu又几靓㖞。叫左个日式鲜蚬意粉，好明显系即叫即整，送到上枱时仲出紧烟！意粉嘅软硬度啱啱好，唔会过淋或过硬。啲蚬好鲜甜，而且冇沙，最怕食蚬啖啖都系沙。好彩呢度嘅蚬意粉唔会咁，值得称赞！虽然男人老狗自己一个食甜品好奇怪，但嚟得呢间梦见屋冇理由唔食Chocolate Rain甜品啫！于是我又胆粗粗叫左个Fatina之梦。个甜品上面有由朱古力粉制成嘅Chocolate Rain，睇下佢笑得几开心！通常crossover果啲野食都系得个啅头，唔食得死人已经好好彩，所以拣左个最保守嘅甜品 – 蛋糕同雪糕。点知结果超出我预期！ 朱古力蛋糕嘅朱古力味够哂浓郁，但又唔会好甜。但最出乎我预料嘅，系个北海道3.7牛乳
早前睇报纸见到上环开左间日式餐厅同Chocolate Rain合作，Chocolate Rain展览就见得多，餐厅都系第一次见，反正喺附近返工，就一于去试下。
好彩份工够自由，可以得闲就出去食tea，所以专登拣3点后去食，唔洗同人迫。3点后果然冇咁多人，食都食得轻松啲。
入到去一坐低，侍应就比左个tea set menu同Chocolate rain menu我。Chocolate rain个menu又几靓㖞。
叫左个日式鲜蚬意粉，好明显系即叫即整，送到上枱时仲出紧烟！意粉嘅软硬度啱啱好，唔会过淋或过硬。啲蚬好鲜甜，而且冇沙，最怕食蚬啖啖都系沙。好彩呢度嘅蚬意粉唔会咁，值得称赞！
虽然男人老狗自己一个食甜品好奇怪，但嚟得呢间梦见屋冇理由唔食Chocolate Rain甜品啫！于是我又胆粗粗叫左个Fatina之梦。个甜品上面有由朱古力粉制成嘅Chocolate Rain，睇下佢笑得几开心！通常crossover果啲野食都系得个啅头，唔食得死人已经好好彩，所以拣左个最保守嘅甜品 – 蛋糕同雪糕。点知结果超出我预期！ 朱古力蛋糕嘅朱古力味够哂浓郁，但又唔会好甜。但最出乎我预料嘅，系个北海道3.7牛乳软雪糕。可能因为用左3.7牛乳，个雪糕非常软滑，正！！
可惜食左咁多野已经好饱，如果唔系一定会再试埋绿茶味3.7牛乳软雪糕，唯有下次再encore啦。埋单130蚊左右，跟餐送埋餐汤同饮品，以呢个食野环境同食物质素嚟讲真系算
唔错，绝对系会再回头嘅餐厅。
张贴
