綿綿冰甜品屋 (已結業)

自从上次食过呢间绵绵冰之后，去到任何食甜品嘅地方都会有意无意睇吓佢哋个餐牌有冇刨冰卖，喺九龙城金满堂都食过一次，但系完全唔同𠮶种感觉，九龙城嘅实在太粗，冇咗细滑嘅美味！曾经沧海难为水，虽然山长水远，星期日有时间仍然唔介意用两个钟头车程来回入去解吓冰毒瘾！今次我哋就要咗哈蜜瓜味，配黑珍珠、荔枝椰果、三色Q果同埋芒果糖浆。哈蜜瓜味绵绵冰外表呈青绿色，份量好似比上次三月嚟食时细咗，刨冰密度亦粗咗而且好快溶，食落亦冇咁滑！虽然系咁，但系味道仲系一流，仍然值得大力推介！绵绵冰入口甜蜜而冰冻，芒果糖浆冇过份甜又或者抢咗冰本身嘅水果味道，椰果同珍珠都好弹好爽，真系好得！希望佢系因为太多人帮衬先至令出品有啲参差，唔好保唔住水准就可以嘞！一定会再嚟！