和茶房鐮倉夢見屋 (已結業)

今日买左飞系愉景新城睇8点半，去到仲有一个钟可以食饭，今日情人节，特别多人出街食饭，都惊揾唔到位，四围揾之下，见到依间之前都想试既梦见屋得四五个人，又近戏院，咁就去攞位哂。好好彩等咗十分钟左右就有位，坐低那那临叫野食，见到有个二人餐就叫左，有两个主菜，一个小食，汤同野饮。小食拣左鸡翼，佢餐牌写有10件，黎到原来系10件半只鸡翼，虽然都够食，但佢写清楚好啲啰。味道就都ok,够哂热，都好够味。餐汤系忌廉汤，味道一般般，普通野。主菜有龙虾蕃茄汁乌冬，跟住我再拣咗个白汁意大利饭，两个味道都好好，好浓味。乌冬口感烟韧，但龙虾就无咩味同唔弹牙，面头啲芝士太多。意大利饭个味同质地都ok, 但食多两啖就好溜。我地仲叫咗杯雪糕绿茶，茶味好够，佢无加甜，但可以靠雪糕甜味都已经够，可以一试。