大阪好樂滿 (已結業)

之前有喺电视睇过介绍，不过因为太远关系所以一直无去，今次刚好见到有团购，就约想试日式烧肉嘅朋友试嘢。因为Book咗位又早到咗关系，所以去到时并无顾客，所以几好招呼。环境几光猛唔错，而且座位下面可以放包包，唔会搞到一斟烧烤味，抵赞！今次嘅团购是Set餐嚟，1款主食 + 5款烧肉 + 饮品 + 甜品 ，只要填好点菜纸交俾店员就OK！壶渍牛小排 ，我点嘅主食，开头睇好似好多，，其实底下都系洋葱，不过都有3大块牛小排。味道唔错，不过唔好烤太耐，有啲肉汁好味好多！帆立贝 ，朋友点嘅主食，因为全部嘢食都系开心Share，所以两只刚好。味道几鲜甜，不过店员落得多咗黑椒，食𠮶时咬到一粒好浓味！呢间烧肉最特别就系提供猪肉鸡唔同部位嘅内脏，团购Set2个人就可以拣10款。睇落份量好似好少，其实食完真系会好饱。虽然上菜时店员在说明过一次边啲打边啲，不过其实之后都分唔同记唔清，最有记忆就系牛舌、牛胸腹同猪小肠，整体真系几好食！抹茶雪糕 ，最后拣嘅甜品，以为铺头以内脏烧肉为主，点知呢个抹茶雪糕意外地超好食！如果佢铺头问口有得好似7-11咁可以买雪糕走就正啦！抹茶味香浓，雪糕粉感有如雪芭咁，正！