影片
更多
2019-11-30
360 浏览
同先生食完晚饭散步到地铁站，经过呢间新开嘅台饮店，杯嘅包装系一张大大嘅红贴纸，类似旧时米铺贴喺米袋上嘅大红纸，非常吸睛。入内一望原来系嚟自台中嘅饮品店，台湾人一向对茶饮有研究，一试无妨。店内唯一嘅大墙用上我至爱嘅水泥色调，加上白色波波同店名，成为一个好好嘅打卡位。打卡位非常贴心，一放饮品上去，感受到重量底部就会亮灯，好特别。铺头因为新开张，做紧优惠，只要like 某社交平台就得，当然唔可以放过。除咗饮品，铺头仲有售卖茶叶，饮完啱嘅可以带埋返屋企。收银处当眼位有饮品介绍同饮用秘诀，非常贴心。原来新假期都有推荐过，形容为台中过江龙，更勾起我嘅好奇心。抹茶黑糖珍珠鲜奶味道层次丰富，抹茶、黑糖同鲜奶嘅味道相辅相成，店员冲好饮品之后会拎到客人面前筛入黑糖粉同抹茶粉，感觉相当疗愈。最值得一赞嘅系佢嘅珍珠口感软糯但又不失Q弹，同一般嘅珍珠斋有咬口嘅口感有啲唔同，有少少似芋圆！非常吸引！香槟茶王系高山手采嘅顶级乌龙，有淡淡花香同丝丝嘅清甜，入口感觉顺滑，配上香浓嘅轻芝士奶盖，非常合衬。但美中不足系冇奶盖专用嘅杯盖，店员建议我哋先呷一口，然后为我哋盖上杯盖。好少饮品店可以入到先生嘅眼，难得佢咁腌尖都大赞
店内唯一嘅大墙用上我至爱嘅水泥色调，加上白色波波同店名，成为一个好好嘅打卡位。
打卡位非常贴心，一放饮品上去，感受到重量底部就会亮灯，好特别。
铺头因为新开张，做紧优惠，只要like 某社交平台就得，当然唔可以放过。
除咗饮品，铺头仲有售卖茶叶，饮完啱嘅可以带埋返屋企。
收银处当眼位有饮品介绍同饮用秘诀，非常贴心。
原来新假期都有推荐过，形容为台中过江龙，更勾起我嘅好奇心。
抹茶黑糖珍珠鲜奶
$25
13 浏览
0 赞好
0 留言
抹茶黑糖珍珠鲜奶味道层次丰富，抹茶、黑糖同鲜奶嘅味道相辅相成，店员冲好饮品之后会拎到客人面前筛入黑糖粉同抹茶粉，感觉相当疗愈。最值得一赞嘅系佢嘅珍珠口感软糯但又不失Q弹，同一般嘅珍珠斋有咬口嘅口感有啲唔同，有少少似芋圆！非常吸引！
奶盖香槟茶王
$25
7 浏览
0 赞好
0 留言
好少饮品店可以入到先生嘅眼，难得佢咁腌尖都大赞，蜜滋麻美顺利成章成为天仁以外嘅首选，下次一定要试埋好评不断嘅花芝黑糖！
张贴
