Second Bite Bar & Grill (已結業)

朋友介紹左呢間西餐廳俾我，雖然位置唔係太方便但都想去試下。見到餐牌上既手抓海鮮覺得幾特別，就揀左幾款試下，醬汁方面揀左2nd bite招牌辣醬，非常香口同海鮮好夾，亦都唔會太辣。最好味既係藍青口，食落juicy有咬口，膏蟹肉質比較結實，有好多膏但因為炸左所以冇左平時嗰種膏既味道。虎蝦都好好食，似避風塘炒蝦。香煎BB羊架唔會好大陣’蘇’味，肉質幾淋，點少少薄荷醬更加帶出到羊既味。芝士流沙粟米幾特別，粟米爽口，配上類似蓮蓉蛋黃醬鮮蜆忌廉意粉有驚喜，用牛油煮意粉，意粉粗身有咬口荔枝白桃梳打清爽既味道，荔枝既味道濃啲，幾好飲整體黎講食物質素好好，海鮮、肉同意粉都掌握得好，特別推薦佢既手抓海鮮。