影片
更多
2009-06-11
166 浏览
睇完上一个食评, 真系好有同感,。 估唔到一年之后, 佢地既态度依然咁差。今天早上下大雨, 如平时一样, 我到这间饼店买菠萝饱。我问呀姐可唔可以比多个袋，我有另外用处。我需要一个不透明的小袋在公司存放私人物品, 在家又找不到。呀姐好恶咁同我讲：「一个饱只需一个袋, 你好唔环保呀!」我问：「咁系咪即系唔得呀？」佢就好诲气咁话：「我唔系话唔比你, 我同你讲，一个饱只需一个袋……」 我心想, 我知道, 若不是有特别用途, 我都唔会问你攞啦! 我惠顾了这间饼店咁多次, 从来也没有攞多一个袋。你可以唔比我, 但系唔驶咁恶lor。我赶时间, 所以冇同佢理论, 比完钱就行咗出去。点知我行到出门口, 仲聴到佢同另一个呀姐继续话我：「仲话人唔比个袋佢, 一个饱只需一个袋, 呢种人真系少有…….」我越谂越嬲, 为咗一个袋, 竟然閙个客閙到出门口, 系咪有D过份呀?! 于是我返转头, 比返个袋佢, 话比佢聴唔驶閙人閙到出门口, 我成日都帮衬佢, 佢咁对D熟客好离谱, 我唔要个袋啦!点知佢反击：「唔要咪唔要lor!」跟住继续重复刚才閙我既说话。呢间饼店既出品其实Ok, 尤其系菠萝饱。 我欣赏个造饱师父, 可惜
今天早上下大雨, 如平时一样, 我到这间饼店买菠萝饱。我问呀姐可唔可以比多个袋，我有另外用处。我需要一个不透明的小袋在公司存放私人物品, 在家又找不到。
呀姐好恶咁同我讲：「一个饱只需一个袋, 你好唔环保呀!」我问：「咁系咪即系唔得呀？」佢就好诲气咁话：「我唔系话唔比你, 我同你讲，一个饱只需一个袋……」 我心想, 我知道, 若不是有特别用途, 我都唔会问你攞啦! 我惠顾了这间饼店咁多次, 从来也没有攞多一个袋。你可以唔比我, 但系唔驶咁恶lor。我赶时间, 所以冇同佢理论, 比完钱就行咗出去。
点知我行到出门口, 仲聴到佢同另一个呀姐继续话我：「仲话人唔比个袋佢, 一个饱只需一个袋, 呢种人真系少有…….」
我越谂越嬲, 为咗一个袋, 竟然閙个客閙到出门口, 系咪有D过份呀?! 于是我返转头, 比返个袋佢, 话比佢聴唔驶閙人閙到出门口, 我成日都帮衬佢, 佢咁对D熟客好离谱, 我唔要个袋啦!点知佢反击：「唔要咪唔要lor!」跟住继续重复刚才閙我既说话。
呢间饼店既出品其实Ok, 尤其系菠萝饱。 我欣赏个造饱师父, 可惜门面两个呀姐赶客。打开门做生意, 咁既服务态度认真唔要得。晨早留留系度閙人，呢间店舖简直系餐饮业界既耻辱! 我以后都唔会再帮衬!
张贴