趣意廚 (順景華庭)

营业中

休息中

平日多数系星期六日来食午餐或下午茶。今日中秋假期嚟食晚餐。平日食开既全日餐牌唔见咗，问佢系咪冇左，佢又拎出嚟俾我㖞，点解净系放主餐牌出嚟呢？唔钟意人叫餐咪唔好出啰。不过食开既一人餐牌都系冇俾。我地两个人其中一个唔肚饿想单叫个细pizza, 另一个又想加烤鸡，但侍应话唔得！佢话要跟餐小食一定要全部人都跟餐，唔系挂！幅墙明明写叫正价食物就可以加跟餐小食，我唔明。肚饿，冇计较，照转餐，但真系唔开心。送餐时又送错，送咗两次。我地个沙律就送咗去隔离枱，人地个薯角就送左俾我地。帮衬左咁多次，今次最唔开心！佢啲烤鸡同薄饼系好食既，否则都唔会帮衬咁多次。 不过服务就真系要改善。 以前有个黑面职员，而家又有古怪规则，而且次次帮衬都送错餐。