上海婆婆336 (已結業)

同妈咪过嚟淘大行街， 佢唔想食煎炸嘢，又好耐冇食过上海嘢 ，就同佢过嚟食下上海婆婆喇。两个人食四碟嘢 ，都几饱 。首先嚟过冰镇醉鸡先 。啲醉鸡都几入味 ，又好冰冻 ，因为成堆冰喺啲鸡上面，唔错唔错。之后就上咗我至爱嘅雪菜炒粉皮 ，但系呢间分店 冇平时咁好食 。啲粉皮唔够味 ，我地要另外加豉油，先有返少少味，同埋唔够香口，有少少失望。第3碟就系唔会点输嘅小笼包，热辣辣,差啲渌熟个嘴.最后一碟就系好饱好济嘅咸蛋炒豆角 ,身为咸蛋嘅超级fans, 我觉得呢碟都算合格,可以止到我想行食咸蛋嘅瘾