影片
更多
2014-08-30
1186 浏览
成班同事想食海鲜,但收工又吾想去到鲤鱼门咁远,唯有拣最近嘅明记。主菜系海鲜,但小炒都叫咗几个,沙爹肥牛粉丝煲---沙爹味十足,吾会淡茂茂,芽菜仲好爽口㖞!虾酱炒芥兰---好惹味吖!!仲有好多虾干,系虾干,吾系虾米!!好足料吖!!至于个濑尿虾皇($300/2只)---。。。虽然只虾有成块面咁长,但因为要8个人分,我只系分到一小旧,仲要系尾,所以吾系试得几真,不过都食到肉质够弹牙,新鲜!!辣酒煮东风螺---我本身食得辣,都觉得真系几辣!!虽然咁重味,都无遮盖东风螺嘅鲜味。炒蟹($300/2只)---比呢样垃低晒啲分,吾太新鲜。蛏子皇($40/1只)---又系成块面咁长,2个字~~~新鲜!!!豉椒炒蚬---大排档水准,够镬气!!黄金鲜鱿---浆粉过多,蛋黄缩水,以前食完碟上会剩低夹吾到嘅蛋黄碎,而家只剩浆粉,但都食到蛋黄咸香,算数喇蚝仔粥---味精略嫌重手咗啲, 可能因为系咁,蚝仔虽肥但仍觉得蚝味不足,可惜临走落大雨,唯有再叫多两碟食住等停雨喇!!腐乳杂菜煲---又一重味之作!!炸九肚鱼---够香滑,不过本人吾太中意食鱼,吾多识品尝佢其他好味之处。总结----其实样样都几重味精,返到屋企劲口
主菜系海鲜,但小炒都叫咗几个,沙爹肥牛粉丝煲---沙爹味十足,吾会淡茂茂,芽菜仲好爽口㖞!虾酱炒芥兰---好惹味吖!!仲有好多虾干,系虾干,吾系虾米!!好足料吖!!至于个濑尿虾皇($300/2只)---。。。虽然只虾有成块面咁长,但因为要8个人分,我只系分到一小旧,仲要系尾,所以吾系试得几真,不过都食到肉质够弹牙,新鲜!!
辣酒煮东风螺---我本身食得辣,都觉得真系几辣!!虽然咁重味,都无遮盖东风螺嘅鲜味。
炒蟹($300/2只)---比呢样垃低晒啲分,吾太新鲜。
蛏子皇($40/1只)---又系成块面咁长,2个字~~~新鲜!!!
豉椒炒蚬---大排档水准,够镬气!!
黄金鲜鱿---浆粉过多,蛋黄缩水,以前食完碟上会剩低夹吾到嘅蛋黄碎,而家只剩浆粉,但都食到蛋黄咸香,算数喇
蚝仔粥---味精略嫌重手咗啲, 可能因为系咁,蚝仔虽肥但仍觉得蚝味不足,可惜
临走落大雨,唯有再叫多两碟食住等停雨喇!!腐乳杂菜煲---又一重味之作!!
炸九肚鱼---够香滑,不过本人吾太中意食鱼,吾多识品尝佢其他好味之处。
总结----其实样样都几重味精,返到屋企劲口渴!!问过其他同事都系好渴,不过边间食店无落味精吖,多定少啫,同事中不乏好食之徒,都一致裁定合格,系个蟹稍稍逊色咗啲。食咁多海鲜,每人都只系192,呢个价钱无野投诉喇!
温馨提示**服务态度同环境确系麻麻地架,建议有洁癖者及王子/公主病患者不适而前往。
张贴
