飯飯店 (已結業)

老公细细个住喺炮台街，依家栋楼已经拆咗变成小公园，佢每次经过都会讲起，今晚都唔例外，我地行吓行吓见到有两间食店喺漆黑街道中灯火通明，其中一间系饭饭店，见到都坐满哂得番门口张十二人大枱要搭枱。差不多枱枱客都叫脆皮炸猪手，个𩠌上枱新鲜热辣，外皮脆得嚟唔会好硬，猪手肉咸香适中。小炒皇有韮菜、腰果、虾干、鲜虾、鱿鱼等，鲜虾同鱿鱼虽然唔系新鲜货色，不过炒起都香口，下酒下饭都啱。花雕蛋白蒸蟹等咗差不多一个钟，上枱时花雕味好香，蛋白滑溜，蒸蟹就一般货色，食起上嚟比较水。食店虽然位于油麻地比较僻静位置，但都吸引到唔少食客光顾，小炒比较出色。