有口福

营业中

休息中

京葱爆羊肉 : 羊肉肉香而不腥,爆炒后有淡淡嘅羊臊味，配上京葱嘅香甜，食完一口一口，送啤酒一流。家乡炒米粉： 米粉Q弹，配上白猪仔午餐肉10分惹味，加上火候炒得好干身，好有镬气，加少少辣椒酱，香浓而不油，食得好满足。招牌酸菜鱼: 酸菜鱼份量十足，餐厅用咗整条黑鱼包括鱼头鱼骨，煲咗个靓汤，再喺汤底入边加入酸菜，泡椒，酸笋将酸菜鱼嘅酸度提升到唔同层次，再用花椒香油令到鱼肉入口爽滑，香辣麻香恰到好处，一啖接一啖10分过瘾。而且仲有大量配料芽菜同宽粉，两个人食到好饱饱。蒜蓉炒菜心： 菜心配搭猪腩肉一齐爆炒10分爽滑，菜心吸收咗猪油嘅香气食落好香口，简单嘅调味，带出咗猪腩肉嘅油香，菜心嘅清甜。唔错。