小廚港作 (已結業)

餐厅几热闹，夜晚约七时多坐无虚席，等左少少时间终于揾到位子坐低，跟住就系睇餐牌嘅时候。好老实讲，初睇嘅时候，总觉得有点儿选择不够多，菜式和面饭虽然不少，但并没有很让我有特别想食的感觉。最后草草点左个马拉盏炒米粉。由于冇跟野饮，于是再额外叫多个热奶茶。等左大约五分几钟，就有野黎，感觉做野都十分快手。黎到嘅炒米粉色泽并不深褐，卖相中等，只是热气蒸腾，比人很有镬气之感觉。一食之下，又唔错㖞，几有意外。炒得好有镬气系其一，而马拉盏个味道亦都十分惹味，带有微辣，加埋爽脆虾仁，猪肉，火腿，等等配料咸香。米粉最惊就系炒到好淋，但依个就尚好有咬感，温度，味道，口感都很好。愈食愈起劲，一啖奶茶，一啖炒米粉，估唔到好快就比我食完一餐。话时话佢个奶茶都唔错，几滑。整体黎讲，虽然卖相唔算好好睇，但味道出乎意料地不错。