School Food (已結業)

市区嘅School Food 通常都好多人排晒队，所以都好少去食。不过屯门呢间平日就唔算系好多人，7点几都系直入唔洗等就有位。今日唔算系太肚饿，所以两个人只系叫左一个饭同埋一碟炸鸡。牛牛铁锅饭连埋个煎pan一齐上，热住咁上。就咁睇个名又估唔到个饭上面仲有一大片蛋，衬佢热嘅时候捞埋d饭一齐食就岩岩好。佢嘅牛牛系牛肉丝嚟嘅，加埋酱菜两样都系甜甜地咁，几开胃。至于大葱脆脆炸鸡之前都有食过，保持一贯水准，炸鸡好脆，大葱有少少辣，好惹味。虽然呢碟鸡真系好热气，不过今日真系忍唔住喇！