南瀛水產

日式料理真系百吃不厌😆今次我哋就去咗成日爆满嘅南瀛水产擦翻餐😋见有唔常见嘅蚧味噌甲罗烧就梗系要叫嚟食啦～店员将蟹壳放上烤炉之后即时将鹌鹑蛋、蟹膏、蟹肉、蟹籽同埋葱拌匀一齐烧🔥 材料丰富，烤过之后味道更香更突出，口中充满蟹膏嘅鲜味。烧活鲍鱼新鲜之余，肉质好软，烤过后更加香。钟意食刺身嘅我哋点左一份原条鲂𫚒刺身，作为深海鱼，肉质扎实爽口，味道清甜，点埋柚子汁食感觉好清新。铁火卷即系赤身吞拿鱼小卷，砌成花嘅形状，卖相好吸引。𩽾𩾌鱼肝系我哋好钟意食嘅小食之一😍鱼肝入口即化，浸住柚子汁，非常开胃。香蒜牛舌烧得啱啱好，肉质一啲都唔靭，反而非常软腍，加埋炸蒜一齐食，非常惹味。唐扬炸鸡🍗每粒嘅size都好大，外表香脆内里嫩滑。除咗点伴碟嘅蛋黄酱之外，仲可以点刺身配嘅柚子汁，食落会无咁腻。蕃茄沙律🥗作为前菜可以垫下肚，食到咁上下再食嘅话就可以解腻😙食埋汤头香浓又够入味嘅野菜乌冬做结尾，就满足晒啦😆不得不提嘅系青苹果乳酸真系好解渴，尤其是夏天饮更加可以解暑，因为饮品上面铺满冰冻嘅青苹果粒😌