川府宴 (已結業)

虽然我唔系食得好辣，但我一向都钟意同朋友四出找寻麻辣美食，享受食完大汗淋漓既感觉。之前有朋友介绍左依间餐厅，今个星期特登过嚟铜锣湾试吓。先讲个四川担担面，系四川传统式干捞。初初食既时候觉得唔系好辣，但麻辣味慢慢渗出。面质弹牙，酱汁味道唔错，麻味充足，仲有我最钟意既葱花。点了一客麻辣鸡翼，用了很多四川调味料腌制，味道很香浓，带点微辣，非常惹味。不一样的明虾～一道很特别既菜式，大量青葱、芽菜、小豆苗、明虾球，加上酸辣汁。我依位青葱爱好者，当然非常喜欢！简单形容为大肠版辣子鸡。首先看见大量既辣椒就认为一定很辣，其实只是充满著香辣味道，大肠炸得香酥，一旦试过，必定爱上食辣。一碟出色既炒通菜，色香味三方面缺一不可。通菜配合炒香既辣椒干，惹味醒胃，送饭首选！水煮石斑鱼既精随在于鲜嫩既新鲜鱼肉，配上又香又辣既汤底，麻辣、嫩滑、鲜香合一，一下子就把白饭清光。