沙田新強記燒鵝海鮮酒家

营业中

休息中

呢度出名嘅小菜有烧鹅，乳鸽，鸡粥，所以点都一定要试一下个招牌菜。今次点咗个鸡粥再加驰名嘅小炒王仲有西柠鸡，见呢啲菜式都系佢餐牌上推介的。鸡粥仲有大中细嘅选项，点咗个例牌，够晒两个人食，鸡粥好足料，入边有好多件鸡，而且粥底好有鸡味，因为到佢嘅鸡油渗透晒落个粥底度，同埋仲配有香葱同姜丝，令佢更加有咬口。小炒王嘅虾干好大只，仲有啲土鱿系一啲都唔韧，好入味，咁配有韭菜同埋脆鱼仔同腰果，食落够口感，同埋全部热辣辣炒出嚟，建议配白饭。 西柠鸡俾我想像中大碟，佢用咗橙同柠檬去整，个汁柠檬味重，咬落香脆，钟意香口嘢嘅就好啱食，而佢嘅柠檬汁，亦都会中和咗炸嘢嘅油腻感，最后都食晒成碟！好想试埋佢个乳鸽，但系以上啲𩠌，两个人都食到太饱，唯有留返下次先试。值得一赞嘅系啲菜式全部上枱都系热辣辣，坐得舒服嘅小炒餐厅！