十二味 (謝斐道)

营业中

休息中

呢间十二味，我从佢仍然系小当家麻辣香锅既时候就开始光顾了。讲真，虽然一直觉得佢既味道中规中矩，有时甚至麻麻地（因为有时候尽管佢既菜品香味系足既，但系味道唔够正，唔够入味），但系每次想食性价比高、交通方便、用餐环境佳既川菜既时候，佢仍然系优先选择既餐厅。湾仔呢间，我最常食既就系香锅，每次叫既都系经典香辣锅，佢配菜既选择都好多，我最推荐既系卤水肥肠、薯仔、嫩牛肉、午餐肉。食过咁多次，点解突然走来写食评呢，因为今次去食实在太惊喜了，系炒得最好既一次，唔知系因为8点呢个时间厨师得闲，定系换左厨师。肥肠炒到外皮有酥脆感，又入口即溶，完全唔觉得油腻之余，非常之香口。嫩牛肉火候掌握得好到位，嫩滑既同时入晒味。薯仔既粉感都啱啱好，吸左酱汁既味啱啱好。