花小椒 (已結業)

今日经过深水埗，揾紧夜晚食咩嘅时候，发现左呢间铺头新开，试业。咁啱想食麻辣嘢，所以就入去试下。我地叫左1:冒菜（有汤底）因为唔系好食得辣，所以叫左小辣，叫左一个有汤一个无汤试下。有汤底呢个调味好好，有麻辣味又唔会死咸，味道好好食，我叫嘅配料有黑䐁肉、鱼皮饺、炸腐足，另外店家唔小心比多左鸭血，🫣🫣🫣黑豚肉好好食，炸腐足又脆又吸汤，面我拣左火锅宽粉，煮得啱啱好，成碗食晒。👍2:友人试左盘盘麻辣烫，呢个系无汤，上台要自己捞，里面有大量蒜泥、花生碎、辣椒粒加埋自己叫嘅𩠌，捞匀先再食，呢个味道都好好，我都偷食左几啖。虽然都系叫左小辣，不过我都辣到流鼻水，不过一路流一路食🫣🫣🫣🤣🤣3:炸小酥肉小酥肉粉浆好薄，炸得好好，食得出唔干有肉汁，点埋辣椒粉，将味道升华左😈🥹消费价钱：2人200楼下结论：下次会再食