影片
更多
2024-03-14
35 浏览
今日同两个朋友喺铜锣湾行完街，朋友话想食麻辣香锅，我记得希慎广场嘅姚姚酸菜鱼有，所以就上咗去餐厅喇。我哋未到繁忙时间，所以好好彩可以坐到窗边卡位，窗外可以望到利舞台同礼顿山。我哋叫咗以下菜式。麻辣香锅：呢个麻辣香锅（$48）要至少加5款材料，所以我哋就加咗田鸡（$55），牛柏叶（$40），脆皮肥肠（$40），鱿鱼须（$50）同埋茶树菇。食物上枱系好大嘅一碟。好多辣椒干同花椒，又辣又麻，好有层次。食材吸收咗香料嘅味道变得好惹味。酸菜鱼（$288）：又系好大嘅一碟。餐厅好窝心地有三个蜡烛喺碟底度热住。鱼片好新鲜，口感爽滑。佢有两个炸过嘅鱼头喺入边，所以我谂呢度嘅鱼片系两条鱼嘅份量。酸菜份量都唔少。汤底呈奶白色，好浓郁。三个人叫咗两个菜已经可以食到饱饱咁离开。
今日同两个朋友喺铜锣湾行完街，朋友话想食麻辣香锅，我记得希慎广场嘅姚姚酸菜鱼有，所以就上咗去餐厅喇。
我哋未到繁忙时间，所以好好彩可以坐到窗边卡位，窗外可以望到利舞台同礼顿山。
我哋叫咗以下菜式。
麻辣香锅：呢个麻辣香锅（$48）要至少加5款材料，所以我哋就加咗田鸡（$55），牛柏叶（$40），脆皮肥肠（$40），鱿鱼须（$50）同埋茶树菇。食物上枱系好大嘅一碟。好多辣椒干同花椒，又辣又麻，好有层次。食材吸收咗香料嘅味道变得好惹味。
酸菜鱼（$288）：又系好大嘅一碟。餐厅好窝心地有三个蜡烛喺碟底度热住。鱼片好新鲜，口感爽滑。佢有两个炸过嘅鱼头喺入边，所以我谂呢度嘅鱼片系两条鱼嘅份量。酸菜份量都唔少。汤底呈奶白色，好浓郁。
三个人叫咗两个菜已经可以食到饱饱咁离开。
张贴
