大家樂 (已結業)

今晚唔煮饭，同老公去附近水族商场嘅大家乐食，听老公讲话呢个商场嘅大业主系「舖王」邓成波，人称（波叔）。呢个商场曾经搞过大改革，由普通商场打造成香港水族广场，以售卖热带鱼及水族用品为主，希望与旺角"金鱼街"分庭抗礼，可惜转形不成功，现在只剩下零星有金鱼及水族用品出售的店舖，而其他店舖亦不断搬出搬入、所以大家乐可算系呢个商场嘅 '老臣子'。讲番食物，叫咗两份纽西兰爵士牛扒餐，拣咗黑椒汁，每份 $44，另加 $6要咗个香草焗田螺试试。啲牛扒的确唔错，肉质好淋，汁液丰富，加上铁板够热，倒汁时啲黑椒汁汁液四溅，比起附近康怡广场嘅越栈铁板牛扒餐好味得多。个酥皮汤啲酥皮虽然焗得唔够㶶 (可以再㶶啲) ， 但也不失酥香松化 。个薯角就不过不失，点啲黑椒汁食都几好味。唯一败笔就系个焗田螺，淡而无味，完全没有焗过嘅感觉，味同嚼腊，可以不叫。