火鍋煮場 (已結業)

去到深水埗，原本打算叫𩠌食饭，点知那两间好出名的都好多人，无位，见对面有间火锅店，行去睇下，点知佢衣家做紧优惠，个优惠仲竟然系送龙虾，所以就入去试下，因为天气真系太热，唔想再行来行去。我地叫了猪骨汤底，D料都几足，跟手点了安格斯牛、广岛蚝、手打虾丸、云吞、鸡子同菜，讲到鸡子，呢间野都几得意，有两种鸡子，一种叫农场鸡子，另一种叫新鲜农场鸡子(我专登影低咗)，我好奇问下个店员，两只有乜野分别(最正系一只叫新鲜，咁另一只系咪唔新鲜呢？哈哈)一问之下原来其中一只系火鸡鸡子，大粒D的。叫了的几样野入面，我觉得呢间野D手打虾丸同云吞最好食，送的那龙虾比我想像中大只，系波士顿龙虾，真心唔错。另外佢D啤酒都好好饮，而且仲有买一送一，抵﹗有机会一定再帮趁。