二撇雞

营业中

休息中

二撇鸡光顾了好多次，亦都试过以下菜式 。花胶鸡，黄酒药膳鸡同埋胡椒浓汤鸡都系稳阵之选，绝对唔会令你失望 。黄酒药膳鸡同胡椒浓汤鸡佢哋啲鸡已经放喺汤里面。不过花胶鸡浓汤啲鸡系另外分碟上 。放汤嘅鸡同分开上嘅鸡嘅质地都唔同 。我比较喜欢另外上嘅鸡，似食紧海南鸡咁滑嫩 。今次想推介一下吊你瘾小锅，佢里便嘅材料包括有放汤嘅鸡，巨云吞，蟹柳，酸菜，豆卜，鱼角，冬菇 。非常非常多料！汤底酸辣得来唔似系坊间嘅酸辣米线嘅味 。味道虽然浓郁，但饮落好舒服，而且一啲都唔颈渴。上菜嘅时候汤底热辣辣，由于汤底非常开胃唔经唔觉我可以食晒成碗米线 。佢哋米线嘅质地烟烟韧韧同坊间嘅米线都好唔同，冇咁粗，有啲似南记𠮶种米线 。我非常喜欢 。如果食鸡汤食得闷嘅非常推荐呢一个米线 。花胶鸡浓汤，非常推荐黄酒药膳鸡，推荐胡椒浓汤鸡，推荐鲜茄浓汤，茄汤味道普通，可以一试沙姜鸡，沙姜比较咸，麻麻吊你瘾小窝，非常推荐佢话就话收九点，不过8:30都仲有人排队 。我成日赶尾班车嚟食🤭，食到过左9点佢哋都冇话要赶人 。而且佢哋租埋隔离舖位，座位非常宽敞舒适 。