Diletto (已結業)

好耐冇见晚老朋友终于夹到时间出后食饭,佢话想试意大利菜..环境几舒服,几岩慢慢倾计。先来面包,有芜花果酱,大蒜,牛油..芜花果酱几好味,烧原粒大蒜搽面包原来好好食,好想返去学吓整😋头盘叫左烤焗大菇伴酿巴拿马芝士温泉蛋,个味几有层次,好多时烤菇会干,但佢仍然好fresh好juicy,夹埋芝士同ham既咸香,唔腻,好味!之后试左野菌忌廉伴黑松露汤,朋友拣左香浓虾汤伴龙虾肉,忌廉汤几香浓,食到碎粒野菌,truffle味几香.之后个经理俾我地拣雪芭,拣左甜既桃味同西柚味,话可以清清味蕾㖞😋主菜我地拣左慢煮黄油鸡同黑松露蟹肉千层面,佢唔似一般既千层面,有蛋香,非常之creamy,有蟹肉鲜味同松露香,面身薄薄但其实好饱肚架.而黄油鸡系slow cook既,份粮有一只鸡,两个女仔share就刚刚好,有三个酱汁,芥末,烧烤汁,同有原粒蘑菇既菇汁,个BBQ汁同配菜都几好味,有火箭菜整串烧番茄仔。我地又试左house wine白酒,少饮酒既我觉得易入口既。我谂全晚最欣赏既系甜品😊白朱古力云尼拿奶冻同Balleys tiramisu卖相都好靓,原本担心食唔晒,点知...哈,第日要做运动burn返佢地至得啦。