影片
更多
2004-05-14
5 浏览
同两个外籍朋友食饭，不能否认她们每一次都为我带来惊喜。上一次介绍了一间绝密的尼泊尔私房菜，秘密到系好食都唔可以同人介绍，净系可以招呼自己友。今次好D，起码在大街大巷，见得光。呢度系以前Hubhub果个舖位，即半山自动行人电梯旁，据了解只是开左两个星期。有三层楼高，地下卖咖啡甜品蛋糕，二楼室内餐厅而三楼就露天餐厅。装修得几靓，几好坐。据佢地介绍呢度全店采用环保物料，油漆是全天然，而木家俱又系再种植木材，好环保，亦讲到好劲咁。同南丫岛南岛书虫系同一个老板，食物亦以有机素食为主，菜、面包、鸡蛋、意粉、橄榄油、豆类、芝士、意粉、啤酒、咖啡、茶等全部organic，真系好唔好食就未知，不过应该几有益。星期四晚八点钟都坐到满，清一色全部是洋人，成场得我一个本地人为港增光。餐牌设计几得意，选择不很多，全英文不是问题，问题在于好多英文是南美或非洲的谷物名，实在唔知系咩。不过侍应们都好友善地热心讲解，而佢地又会主动推介食物，所以点菜不会是大问题。有机当然系大部份都是素食。咁贵为一个食肉兽的我，会唔会食唔饱呢？我朋友话担保唔会，所以由她发办，叫了非洲Ground Nut Stew、牧羊批Shepherde
呢度系以前Hubhub果个舖位，即半山自动行人电梯旁，据了解只是开左两个星期。有三层楼高，地下卖咖啡甜品蛋糕，二楼室内餐厅而三楼就露天餐厅。装修得几靓，几好坐。据佢地介绍呢度全店采用环保物料，油漆是全天然，而木家俱又系再种植木材，好环保，亦讲到好劲咁。同南丫岛南岛书虫系同一个老板，食物亦以有机素食为主，菜、面包、鸡蛋、意粉、橄榄油、豆类、芝士、意粉、啤酒、咖啡、茶等全部organic，真系好唔好食就未知，不过应该几有益。星期四晚八点钟都坐到满，清一色全部是洋人，成场得我一个本地人为港增光。
餐牌设计几得意，选择不很多，全英文不是问题，问题在于好多英文是南美或非洲的谷物名，实在唔知系咩。不过侍应们都好友善地热心讲解，而佢地又会主动推介食物，所以点菜不会是大问题。有机当然系大部份都是素食。咁贵为一个食肉兽的我，会唔会食唔饱呢？我朋友话担保唔会，所以由她发办，叫了非洲Ground Nut Stew、牧羊批Shepherdess Pie同Dhal，好似话系呢度几个拿手的菜色。
先来几支有机啤酒，酒身偏红色，酒身较薄亦略寡，加上要68蚊一支，几贵。但谂住系有机小麦制成，有益好多咁就身心舒畅啦！
几个菜先后上台，卖相不错又几大埋头。非洲Ground Nut Stew系一兜酱豆，入面有好多种豆，伴碟有一堆叫quinoa的南美州米，完全未听过但侍应姐姐话好丰富蛋白质。酱豆味道几好，用来捞quinoa唔错，而quinoa细细粒几有口感，呢个菜几好味；
牧羊批以砵仔上，外表好似焗禾虫。材料都几多，面头有一层焗薯蓉，馅料有各类的豆、薯仔、茄子及蘑菇，调味的有橄榄油柠檬汁做的酱，食落都算好味，连伴碟的什菜沙律，非常之饱肚，或者话系漏都得，所以建议几个人分，系几难独食食得完的，亦应该系几健康；
Dhal系中东食品，有一碗几浓的热汤及一堆糙米同蒸菜。热汤的材料日日唔同，会写在块黑板上面，我们吃的一晚是red lentil。食法好简单，就系糙米加汤，食埋呢样，想唔饱同健康到痺都唔得啦！
结果甜品三个人都只系叫左一件柠檬蛋糕，唔使问阿贵当然系有机柠檬同未经处理的糖去做，味道都唔错。用来点的鲜打红莓酱酸溜溜的几配合，唔使讲红莓又是有机的。55蚊一件，唔平，当然食时谂住健康无价，咁就舒服好多！
埋单五百九十几，一人要二百蚊，绝对唔算平。但鉴于在香港有机食品在市场的价钱都很昂贵，加上位处Soho及地方几好坐，加上其环保社区的概念亦值得推广，所以都算物有所值。如果想追求健康或食下新野，呢度都绝对值得一试。
侍应全部是年青人，好有朝气亦乐于助人，亲切有礼，值得一赞。原本呢度会是本人千几间食肆中第三间拿全满分的。但有一样要弹，就系呢度唔不设订坐，要上到来才知有无位。不过鬼妹经理话人多就可另作安排咁话。咁巴闭？有见及此，服务一栏扣佢半分﹝四舍五入，即系一分﹞！
不过我一路食一路谂住九记的半肥腩伊，唔好问我点解！……当然无谂过D伊面系唔系有机面粉同油做。
张贴