蠔灣 (已搬遷) 新店位置

一餐既开心又满足既夜晚饭，每样野都好好食，生野够新鲜（无肚疴），熟食基本上系水平以上，可能系出面餐厅都有，但系系比出面餐好食啰。一早订左枱，唔驶等。虽然见到walk-in都有位，但个场唔系大，建议订定位先，咁会稳阵好多。虽然楼面得一个人，都可以应付自如，仲会细心介绍菜色。黎蚝吧第一道菜梗系生蚝啦，由淡到浓，啲蚝坚生鲜，朋友直情话唔驶加任何配料都已经好好食，最后食活海胆，正到呢，好似系日本当地食咁鲜。食完第一盘，直刻encore ，可惜活海胆已经无晒（记得要订定）。开始食熟食，第二道菜就先饮汤，蘑菇汤 / 龙虾汤，2个汤都好好饮，够晒味，唔会水流流，诚意之作。第三道菜系鹅肝多士，虽然无特别，味道正常，唔会难食。第四道菜系安格斯牛扒，3成熟啱啱好，火喉控制得好，唔会血淋淋，啲肉够淋又唔会un，入口就溶，系觉得个汁浓左少少少少🤏🏻，但配埋啲沙律菜一齐就好似又啱返啲，至少食完唔会话好漏，好滞。第五道菜就淀粉质，龙虾忌廉意粉，本来以为平平无奇，2只虾钳加啲虾肉啦，点之一捞个意粉，即刻有惊喜，个粉系出晒烟（唔系少少烟咁简单），真系热辣辣咁，但食落口又唔会辣口，而个味又唔会好浓，真系教到啱啱好，个个