Dionysus (已結業)

由细到大都系大埔友，一直都无乜好西餐，嚟嚟去去陈x记新街市猪扒三多......都无乜好西！咁啱经过怀仁街，发现间装修唔错嘅西餐，门口睇下个餐牌就有姐姐仔好客地出嚟介绍厨师做过多年米芝连餐厅，同屋企人就即管入去试下！我地一行几位，分别叫左几个set dinner，前菜有好几款，分别系八爪鱼薯仔沙律、蒜头牛油虾、蟹肉沙律，每样都叫嚟试，非常新鲜！摆碟又靓主菜叫咗牛柳、龙虾risotto、牛面颊risotto仲有鲈鱼乔麦面，意想唔到全部份量都好多！甜品同饮品都未嚟已经好满足！物超所值！而甜品每日都唔同，经理话饼师每日亲自炮制我地就品尝咗蓝莓芝士蛋糕同埋杏仁芝士蛋糕埋单嘅时候经理同店员都好有礼貌介绍十月尾Halloween会有特别安排，希望我地到时都支持下！今晚食完觉得服务同质素都好高一定会再帮衬