阪神 (已搬遷) 新店位置

呢排呀仔成日扭計，心情差到爆，連帶我心情都一齊差。呀仔又成日吾食野，好鬼煩，真係完全無心機煮飯，今餐決定又外賣。我都係第一次叫呢間，今次叫左一人前炸雞套餐。打開外賣炸物的盒都有個花花口幾好。日式蝦扒飯：飯比較少但味道好食，蝦扒好有蝦味，仲有1舊蕃薯仔好甜。地瓜球：好好味，咬落仍然脆的，因為我無要飲品，所以多左一粒。牛肉薯餅（另外加配）：咬落去入面比較淋，同我預期口感有出入，但味道係可以的。唐楊炸雞：雞肉夠嫩，但肥左啲。細薯條-海苔：最估吾到連薯條都無淋，呀仔食左好多條。老公係咁係隔離偷食，佢話下次佢都要試下其他野食。