Pizza Maru (已結業)

铺名主打Pizza，一心以为系西式食店。见到门牌先知系韩国餐厅，环境舒适。座位都够哂阔，有埋BB椅，加埋韩文歌有小朋友都唔觉好嘈。环境好满意，估唔到食物好惊喜，叫左几样，样样都好岀色。值得大家一试，Pizza更食完再叫。1.芝加哥芝士批呢个pizza真系好味道不得了，面层蕃茄，下面茹同肉，个批边又带有甜甜地。最重要系呢个批批边系芝心既（大家留意，并唔系个个批都系有芝心架）啲芝士软香，㘩面脆，食完一件系会想再食架，所以我地5个人但最后都食左两个Pizza。2.忌廉蜜糖薯条初时以为只系普通薯条，点知点个酱啖啖甜香，因为个酱以cream为主，又带点滑身，同个薯条又岀奇地夹窝，大家点都要叫啦！3.韩式芝士蛋卷平时食炸鸡最钟意食呢个蛋卷，呢到有别其他店，呢个蛋卷细细，但好香浓既芝士香，又带有点微辣感觉，感觉都好得意。4.蜜糖牛油炸鸡🍗炸鸡一向都唔惊会失望，呢个甜香既炸鸡完全无失望，香口而又无好油既感觉。一流！5.带子泡菜卡邦尼新潮得嚟又好夹到个味，好得。食落好似西餐野，点知当中既泡菜带有微辣但又带点cream滑，感觉好得意😎带动新既味觉。