King's & Queen's 冰室 (已結業)

要系马鞍山揾好野食，选择并不多，通常只有系大商场揾食，但食物味道质素总系太商业化，有时想食d地度有风味既野.......有次个旧同学系whatapp group share 泥涌村村屋有间食地道小菜，听闻仲系大师博主理，其实西贡泥涌系好近马鞍山，今日不妨走出框框，行多两步去试下。依度餐厅可以坐露天或室内，室内装修好有特色，有唔同既feature walls , 地方都算宽敞，坐得都舒服。依度主要系中菜为主，今日叫左几款试下水温先....1. 西兰花炒海鱼一睇个卖相已经好吸引，味道方面，食物好有镬气，鱼肉都新鲜，味道唔错。2. 金沙虾球咸蛋黄紧紧包实虾球，外皮炸得好香脆，浓浓咸蛋黄味，虾球十分新鲜弹牙，整体味道都无械可击。3. 金牌红烧乳鸽依个乳鸽炸得真系好好，外皮干身香脆，但鸽肉仍然保持嫩滑有肉汁，味道咸咸香香，好入味。4.脆皮炸猪手诚意推介，猪手皮真系脆卜卜，肉质嫩滑，猪手皮夹住少少脂肪同肉，三层一齐食，真系好好味，送啤酒一流。总体黎讲，食物质素都相当唔错，小规模既冰室，但有酒楼级水准，最紧要够镬气，食物价钱又经济实惠，其实仲有好多菜式好想试，得闲又会再过黎开餐。