日本野 (已結業)

疫情关系睇怕今年都去唔到日本，唯有去食日本野呃下自己当去左。餐厅环境唔错和式格调简洁干净，价钱经济，美食多元化，各种日式料理、刺身、热石烧、锅物统统有，食下丼饭都唔错的。厚烧鳗鱼玉子 +$38厚厚的玉子口感软弹，包住邪恶嘅芝士和肥美嘅鳗鱼非常足料，仲有粒粒蟹籽口感丰富。配以黑松露沙律酱极为美味，有埋咸鲜味嘅木鱼花，咸甜交集相当美味。遇上咁好味的玉子烧，实在好幸福。此乃必食之选值得推介。和风柚子鸡翼 +$58鸡翼炸得香脆肉嫩，淋左柚子酱酸酸甜甜清新开胃不油腻。浦烧鳗鱼定食 $118原条鳗鱼望见满足，鱼肉肥美肉质软腍无碎骨，饭粒粒分明，自行淋上鳗鱼酱汁美味非常。咖哩吉列猪扒丼 $98吉列猪扒炸得金黄外脆内嫩，咖哩汁不多，难满足好酱汁的我。焦糖炖蛋 $58面层焦糖香脆，炖蛋口感细密幼滑，充满蛋香，水准不俗。菠萝雪葩 $78卖相唔错，味道清甜可口，啖啖菠萝果香。夏天食凉透心，爽呀！蟹籽沙律和面豉汤 (跟餐)青瓜爽脆干身，沙律份量唔多可一啖ＫＯ。面豉汤不算浓味道还可以。饮品 (跟餐)冻柠荼冻柠水正正常常，甜度适中。