立体派拉麵 (威靈頓街)

营业中

休息中

看 openrice 人气好似好高，专登揾日来试下。间铺系威灵顿街一条小巷内，仲要落楼梯先会见到，隐蔽到啊，一个唔小心就会错过。两个人，叫佐一个芫荽拉面，一个酱油拉面，再加一只溏心蛋，一份煎饺，一枝柚子汽水。装面个碗特别巨大，可能是我食过咁多地方嘅拉面所见过最大嘅碗了，芫荽拉面嘅芫荽好多，酱油拉面就落好多京葱丝，摆碗都几好看，但啲芫荽同京葱只是纯粹铺系碗拉面嘅上边，而汤底系冇芫荽或者京葱味嘅。百零蚊一碗面，只得一片薄到纸咁嘅叉烧，芫荽话就话系大阪芫荽，听住就好啦。芫荽拉面汤底偏咸，酱油拉面汤底好似落佐鲣鱼干，食完口中仲有阵鱼干嘅香味。唔算差，OK 啦。但以咁嘅价钱来讲，又唔可以话好好，不过不失啦。