Nonsense

今夜来到土瓜湾的餐厅，土瓜湾一向热闹，餐厅位置可算是土瓜湾的「静土」。餐厅予人感觉舒适，既可以与三五知已嘻嘻哈哈，又可以与好友静静倾偈。第一次来，所以先尝下热门推介的食物。首先北海道松叶蟹甲罗盛‧海鲜日式煲仔饭，卖相已经够吸引，影相打卡后即刻开动，蟹膏、青口、大虾等海鲜相当鲜美，饭粒分明，口感软糯，仲有最爱的饭焦。随煲仔饭上枱的，还有一碗白味噌汤，店员讲解接近食完煲仔饭，煲内尚有饭焦时将白味噌汤倒入煲内，以茶渍饭方式进食，几得意。此外，炸软壳蟹‧海鲜‧芝士咖喱锅亦是打卡之作，大大只原只软壳蟹，非常抢眼。下面有浓郁的咖喱汤汁，配埋烤油饼就啱啱好，烤油饼食完仲可以追加添，等你可以蘸尽咖喱汁！甜品就柯打咗富士苹果生芝士蛋糕配法式焦糖布丁，本来想食卷蛋的可惜卖晒，相较之下，芝士蛋糕就显得一般。题外一提，餐厅老板相当亲切，见到夜啲过嚟饮两杯的客人好友善，除咗同佢哋倾计，仲会请客人品尝私家酿造的珍藏，令人感觉亲切。