德美壽司

营业中

休息中

之前有事又去河畔，入咗去德美。去嘅时候比较早，刚过十二点，唔系好多人，所以无订位都有位坐。我地坐咗系大门口的屏风后面。 一坐低就放咗碗沙律同茶，沙律味道都Ok。之后落order, 面豉汤同蒸旦好快就上，旦Ok，汤一般。个牛肉得d洋葱煮埋，味道一般，比吉野家失色。咖哩吉列猪扒⋯⋯ 猪扒好多筋，d咖哩入面有嚿不明物体。 我地食到一半，热到出晒汗，佢地至开番个冷气 。 仲有个餐未到㖞⋯⋯ 追咗回覆话条鱼要烧⋯⋯ 咁又等等等，由order到上枱要大半个钟。中间仲有插曲，就系厨房入面炒大镬，听到闹交掟烂玻璃。全店d客都静晒。之后店员不停讲唔好意思。跟住就出我地最后个餐。好啦讲番d食物，呢块猪好d，无咁多筋。但条鱼呢就失败咗，㓥的时候应该割穿咗个胆，搞到d鱼肉有苦味。最后未食完就上三粒雪糕糯米滋，仲想收走d食物😔。 其实如果你系一齐上菜，就唔使咁去赶客。咋咋林食咗就走，唔好咗其他人。最后想提提间铺，个屏风好多麈。