鮨森日本料理 (已結業)

今日系小弟的生日，好难得系肥妹帮我去谂食咩同埋订台。原来，系登龙街既楼上铺鮨森。唔知系咪闲日问题，成间餐厅得我地两个人，好似包左场咁。我地当然系坐Sushi Bar啦，可以同师父面对面睇佢地手握寿司，系食寿司当中视觉上的一大享受。我就叫左呢个Set，共有10件寿司同前菜丶饭丶甜品。顺带一提，呢间餐厅的寿司本身已经配上赤醋，建议大家食寿司时唔需要沾酱油，因为大部份寿司已经由师父配上特制的酱汁。前菜系竹笋丶腐皮加上醋，酸酸甜甜，几开胃。开黎三道前菜，左面的酱汁煮螺系冻食，酱汁甜甜地，螺肉肉质结实新鲜。中间的松蕈三文鱼子，松蕈食落冇咩味道，但三文鱼子几甜，而垫底的萝白蓉都冇咩味。右边的大根几甜，龙虾丸好结实，清清地开左个胃，准备食寿司。姜，有别于坊间采用的薄片，呢度系块状同条状，不辣，清清味蕾非常好。第一道寿司系真鲷，肉质结实，而上方配上昆布，食落味道清淡而不会腻，作为第一道寿司，正正符合作为寿司十连发当中「起」的角色。顺带一提，第一道寿司最大的惊喜系见到师父用上了「本手返五手」的技术去握寿司，即刻令我眼前一亮握寿司系我最爱的日本料理技术之一，而「本手返五手」是了解一间寿司店的师父技术水平的