上海姥姥

营业中

休息中

六点半到咗餐厅门口，餐厅入面仲有好多位，两个frds系路上都就要到，唔想系门口外面喂蚊，却被告知一定要过半人数先可以入座。我话你地入面咁空，我d frds好快就到，唔会阻住你地浪费资源，但都被拒之门外，态度已经非常唔好，如果唔系其中既frd好想试下，都唔会去食添。等咗十分钟，终于入到去，三个人被带到两个人既位，被告知如果想坐宽绰d既位都唔得，三个女仔拎住三个袋完全无位摆，后尾叫咗野食都摆唔落，逼著我地要快d食完一样先可以再食下一样。如果d野食好味，咁其实都ok既。讲下食物，好可惜唔记得影相：a. 素鹅味道都可以，但分量真系太少，性价比好低b. 四川担担面呢个正常c. 云吞汤面汤头无味，食落太淡d. 腌笃鲜呢个先系重点，有无睇到menu上既图片几靓？好期待咁落咗单，上菜时揭开个煲盖，全部人都O晒嘴，个煲度空liao liao，捞咗劲耐先捞到一小块鲜笋。真系「以实物为准」，无得挥，我服咗妳！成煲野仲要98蚊，如果知道系咁既样，收我50蚊我都唔会要。同d frds出街食饭本系一件好开心既事，但系呢d咁既餐厅，奉劝大家以后都系唔好去lu。