NUTTEA (海光街) (已結業)

5月5号晏昼谂住用OpenRice app 落单，减少排队时间。过咗10几分钟落到店舖，点知OpenRice弹出嚟话钉单已被取消，原因系餐厅未有接单。我问收银姐姐点解未有接单，佢死都话冇收到订单，之后我比OpenRice个画面俾佢睇，佢黑起块面。对唔住都唔讲一句，跟住同我讲，「咁你咪而家落单啰」。我落到舖头，只系见到佢同侧边个店员系咁倾偈，同埋碌手机。佢哋挂住倾偈唔愿做，咁咪唔接单啰。如果唔愿做生意嘅，就麻烦舖头老板唔好申请OpenRice网上接单功能。唔好要啲客白行一趟，仲要睇住你收银姐姐啲面色。成日话疫情关系影响生意，但系我真系睇唔到哩位收银姐姐有几想做生意，有几努力想保住自己份工。